“Barselonanyň” hüjümçisi Robert Lewandowskiý Ispaniýanyň çempionatynyň 7-nji tapgyrynyň “Hetafe” bilen oýnunda (1:0) toparyň 6500-nji goluny geçirdi. Bu barada klubuň resmi saýty habar berýär.
6500 gol liganyň 3035 oýnunda geçirildi, bu bir oýunda ortaça 2,14 gola deňdir. Bu döwürde “Barselona” 3362 topy sypdyrdy. Şeýlelikde, “Barselona” 6500 gol belligine ýeten ilkinji klub boldy. Onuň ýakyn bäsdeşi “Realyň” hasabynda häzir 6499 gol bar. Üçünji orunda ýene bir Madrid kluby - “Atletiko” gelýär, toparyň hasabynda 4980 gol bar.
Häzirki wagtda “Barselona” 21 utuk bilen Ispaniýanyň çempionatynyň ýaryş jedwelinde birinji orny eýeleýär. Indiki tapgyrda topar “Osasuna” bilen duşuşar. Oýun 28-nji sentýabrda geçiriler.
