Redmi kompaniýasy täze Redmi Note 14 smartfonlarynyň tanyşdyrylyşynyň boljakdygyny mälim etdi, bu çäre 26-njy sentýabrda geçer diýip, IXBT habar berýär.
Redmi Note 14 Pro modeliniň esasy aýratynlygy onuň daşarky täsirlerden ýokary derejede goraglydygy bolar. Smartfon IP66, IP68 we IP69 ülňülerine laýyk gelýär, bu bolsa oňa suwuň 2 metr aşagyna 24 sagatlap çümdürilende-de, 1,8 metre çenli beýiklikden aşak gaçanda-da zeper ýetmezlige mümkinçilik berýär. Kompaniýanyň wekiliniň sözlerine görä, täze telefon suwa we urga çydamlylyk synaglaryndan üstünlikli geçdi.
Mundan başga-da, Redmi Note 14 Pro Corning Gorilla Glass Victus 2 bilen goralýan ekran bilen üpjün ediler. Ilkinji alyjylar, bir ýylyň dowamynda ekrana zeper ýeten ýagdaýynda, ony mugt çalşyp bilerler.
Redmi Note 14 Pro + modeli ýokary energiýa dykyzlygy (814 Wt•ç/l) we pes temperatura durnuklylygy bilen häsiýetlendirilýän 6200 mAh kuwwatly täze Xiaomi Jinshajiang batareýasyny alar. Batareýa dört ýyllap uzak hyzmat eder. Bu çözgüt orta synpda ilkinji gezek peýda bolýar, ol ozal diňe flagman enjamlarynda ulanylýardy.
Şeýle hem, smartfonlarda 1.5K durulykdaky displeý bolar. Pro wersiýasy Snapdragon 7s Gen3 prosessory bilen işlär, Pro + bolsa MediaTek Dimensity 7350 bilen üpjün ediler.
