iFixit hünärmenleri iPhone 16-ny jikme-jik seljerip, ony häzirki günde Apple kompaniýasynyň bejermek üçin iň ýaramly smartfony diýip ykrar etdiler.
Täze smartfon 10 baldan 7 bal aldy. Deňeşdirmek üçin, öňki iPhone 15 modeli bary-ýogy 4 bal alypdy.
Hünärmenler akkumulýatory aýyrmagyň has kämilleşdirilen ulgamyna ýokary baha berdiler. Indi ony aýyrmak üçin ýelimi gowşadýan dokuz woltly batareýany ulanmak ýeterlik. Bu çemeleşme firma gurallaryny we arassalamagy talap etmeýändigi üçin ýeterlik derejede ygtybarlydyr. Şeýle-de bolsa, hünärmenler berkitmek üçin nurbatlaryň ulanylmagyny has makul hasapladylar.
Mundan başga-da, smartfonyň gurluşy beýleki bölekleri sökmezden kameralar, dinamikalar we yzky gapak ýaly komponentleri aňsatlyk bilen çalyşmaga mümkinçilik berýär.
Şeýle-de, Apple bejeriş işleri boýunça giňişleýin gollanmany hödürledi, bu hem iFixit hünärmenleriniň pikiriçe, bäsdeşleriň şeýle resminamalaryndan ep-esli öňe geçýär.
