"Roma" futbol kluby Daniýele De Rossiniň toparyň baş tälimçisi wezipesinden boşadylandygyny resmi taýdan yglan etdi.
Bu karar möwsümiň başynda toparyň gowşak netijeleri bilen bagly kabul edildi. Dört oýundan soň, “Roma” A Seriýasynda bary-ýogy üç utuk bilen 16-njy ýerde ýerleşýär.
"Klubda hemişe özüni öýünde ýaly duýup biljek Daniýele soňky aýlarda höwes we yhlas bilen eden işleri üçin tüýs ýürekden sag bolsun aýdýarys" – diýip, beýanatda aýdylýar. Täze tälimçiniň ady entek yglan edilmedi.
41 ýaşly De Rossi “Romanyň” rowaýaty şahslaryndan biri hasaplanýar. Ol, soňky ýyly hasaba almanyňda, bütin karýerasyny häzirki kluby bilen geçirdi we 616 oýunda oýnap, şolarda 63 gol geçirdi we 60 netijeli pas berdi. Kluby üçin oýnan oýunlarynyň sany boýunça ol diňe Françesko Tottiden soň ikinji ýerde durýar.
De Rossi bilen “Roma” iki gezek Italiýanyň Kubogyny aldy we ýurduň Superkubogyna mynasyp boldy. 2009-njy ýylda De Rossi Italiýanyň iň gowy futbolçysy diýlip ykrar edildi.
