Şu gün Aşgabadyň "Altyn asyr" futbol kluby AFK 2 Çempionlar ligasynyň toparlaýyn tapgyrynda ilkinji duşuşygyny geçirer. Toparlaýyn tapgyryň birinji duşuşygynda Ýazguly Hojageldiýewiň şägirtleri myhmançylykda Bagdatdan "Al-Kuwa" yrak kluby bilen duşuşarlar.
B toparyň bu duşuşygy 23:00-da başlanar.
«Altyn asyr» saýlama tapgyrynda "Ist Bengal" hindi klubuny myhmançylykda 3:2 hasabynda ýeňip, AFK 2 Çempionlar ligasynda çykyş etmäge hukuk gazandy.
Ýatlatsak, Türkmenistanyň çempionatynyň geçen möwsüminde "Altyn asyr" kümüş medallary eýeledi.
Belläp geçsek, geçen möwsümiň çempiony "Arkadag" FK täze ýaryşda - AFK Çagyryş ligasynda çykyş eder. "Arkadag" klubunyň gatnaşmagynda B toparyň bu tapgyrynyň toparlaýyn duşuşyklary Kuweýtde merkezleşdirilen görnüşde oktýabryň ahyrynda we noýabryň başynda geçiriler.
