Hyundai Motor Group bilen General Motors geljekki awtomobilleriň we arassa energiýa tehnologiýalarynyň üstünde bilelikde işlemek mümkinçiliklerini öwrenmek üçin Özara düşünişmek hakynda Ähtnama (MoU) gol çekdiler diýip, Carscoops habar berýär.
Bu ylalaşygyň çäklerinde kompaniýalar üpjünçilik zynjyryny kämilleşdirmekde hem-de täjirçilik we ýolagçy awtomobillerini, şol sanda elektromobilleri we wodorod güýç gurluşlaryny işläp taýýarlamakda hyzmatdaşlyk etmek isleýärler.
Resminama hökmany häsiýete eýe däl, ýöne anyk şertnamalary baglaşmak boýunça mundan beýläkki gepleşikler üçin esas döredýär. Oňa Hyundai Motor Group-yň başlygy Ýuýsun Çung we General Motors-yň ýolbaşçysy Meri Barra gol çekdi. Ýakyn wagtda taraplar hökmany şertnamalary giňişleýin maslahatlaşyp başlarlar.
Hyzmatdaşlyk işläp taýýarlamalaryň netijeliligini ýokarlandyrmaga, gözleg üçin çykdajylary we wagty azaltmaga, şeýle-de sarp edijiler üçin awtomobil assortimentini giňeltmäge gönükdirilýär.
