Samsung önümleriniň hataryna täze, elýeter bahaly smartfon goşdy. Kompaniýa 95 dollardan täze Galaxy M05 smartfonyny hödürledi.
Samsung-yň aýtmagyna görä, Galaxy M05 häzirki M tapgyryndaky iň uly displeýli smartfondyr. Modelde HD + durulykda 6,7 dýuýmlyk IPS ekrany, MediaTek Helio G85 prosessory, 4 Gb RAM-y we 64 Gb içerki ýady aldy, bu mikro SD karta arkaly ulaldylyp bilner.
Galaxy M05 25W çalt zarýad beriş goldawly 5000 mAh batareýa bilen üpjün edilendir we batareýanyň 2 güne çenli awtonom işlemegini üpjün edýär. Şeýle hem, smartfon stereodinamikleri we gulaklyklar üçin 3,5 mm-lik kese deşigi aldy. Esasy kameranyň durulygy 50 megapiksel, öň tarapynyňky bolsa 8 megapiksel. Suwdan we tozandan goragy hakda hiç zat aýdylmaýar.
Bu model Android 14-de One UI Core 6.0 daşky görnüş bilen işleýär we 2 ýyllyk OS täzelenmesini we Google-dan 4 ýyllyk howpsuzlyk täzelenmesini wada berýär.
Samsung Galaxy M05 diňe açyk ýaşyl reňkde elýeterdir. Hindistanda eýýäm satylyp başlandy we ýakyn wagtda beýleki ýurtlarda hem satuwa çykarylmagyna garaşylýar.
