Täze iOS 18 wersiýasynda Apple-iň asyl düzüm böleklerini sazlamak üçin Repair Assistant guraly peýda boldy. Bu funksiýa ulanyjylara ekran ýa-da akkumulýator ýaly komponentleri çalşanlaryndan soň iPhone-yň kadaly işleýändigine göz ýetirmäge mümkinçilik berýär diýip, Macrumors habar berýär.
Repair Assistant düzüm bölekleri çalşylandan soň awtomatiki ýagtylyk, True Tone we akkumulýatoryň ýagdaýy barada hasabat beriji ýaly funksiýalaryň dogry işlemegini üpjün edýär.
Täze funksiýa iOS 18 çykmazyndan ozal gurnalan komponentleriň sazlanmagyny hem goldaýar. Enjam ulgamyň täze wersiýasyna çenli täzelenenden soň, ulanyjylar Repair Assistant guralyny “Sazlamalar” bölüminde tapyp bilerler.
Bu funksiýa iPhone 12 we soňraky modeller üçin elýeterlidir.
Apple ilkinji gezek Repair Assistant guralyny şu ýylyň aprel aýynda yglan etdi.
