Niderlandlarda wakuum otlusynyň nusgasy üstünlikli synag edildi

  • 13.09.2024 21:55
  • 10k+

Niderlandlarda Hardt Hyperloop kompaniýasy wakuum otlusynyň prototipini üstünlikli synagdan geçirdi. Synag Wendam jemgyýetindäki Hyperloop Ýewropa merkezinde geçirildi.

Magnit lewitasiýasynda rahat hereket edýän prototip sagatda 30 kilometr tizlige ýetmek bilen, 420 metr turbanyň ilkinji 90 metrini geçdi. Geljekki synaglarda otlynyň tizligini sagatda 100 kilometre ýetirmek we pes basyşly şertlerde zolaklary üýtgetmek meýilleşdirilýär. Netijede, ulagyň tizligi sagatda 700 kilometre ýetmeli.
Wakuum otlusy düşünjesiniň ilkinji gezek 1909-njy ýylda Scientific American žurnalynda köpçülige hödürlenendigini bellemelidiris. 2012-nji ýylda Hyperloop taslamasy Ilon Mask tarapyndan teklip edildi. Telekeçi ony kapsulalary pes basyşly tunellerden geçýän aşa ýokary tizlikli ulag hökmünde hödürledi. 2020-nji ýylda Günorta Koreýada geçirilen synaglarda Hyperloop otlusynyň prototipiniň tizligi  sagatda 1019 kilometre çenli ýetip, bu sesiň tizligine golaýdyr.
2023-nji ýylyň ahyrynda Ilon Maskyň tunelleri we onda hereket etjek ulaglary işläp taýýarlan Hyperloop One kompaniýasynyň ýapylandygyna garamazdan, dünýä bu tehnologiýany ösdürmegi dowam etdirýär. Hardt Hyperloop-dan başga-da şuňa meňzeş taslamalar bilen amerikan Hyperloop Transportation Technologies Inc.-i we Şweýsariýanyň Swisspod Technologies-i meşgullanýar.


28.08.2025 23:44
1.8k+

SpaceX-iň köp gezeklik Falcon 9 raketasy 30-njy uçuşyny amala aşyrdy

28-nji awgustda SpaceX kompaniýasy Falcon 9 raketasyny üstünlikli uçurdy – ol Ýere golaý orbita Starlink internet aragatnaşyk ulgamynyň täze hemralaryny çykardy. Raketanyň B1067 belgili birinji köp gezeklik basgançagy uçuşdan soň Ýere gaýdyp geldi we eýýäm 30-njy gezek Atlantika ummanyndaky ýüzýän platformada asuda gondy...

28.08.2025 15:51
4.4k+

Hytaý uçýan elektrik stansiýasyny - dirižablyň we ýel turbinasynyň gibridini synamaga taýynlanýar

Hytaýyň Beijing SAWES Energy Technology Company kompaniýasy asman ýel elektrik stansiýasyny - turbinaly dirižably synagdan geçirmäge taýýarlyk görýändigini yglan etdi. Geliý bilen doldurylan howa gämisi 1500 metr belentlige çykar, ol ýerde ýeliň tizligi Ýeriň ýüzündäkä garanyňda, takmynan, üç esse ýokarydyr diýip, South China Morning Post belleýär...

28.08.2025 12:21
4.6k+

Mask Starship-de ýokary tizlikli uçuşlary wada berýär: Nýu-Ýorkdan Londona 10 minutda

Ilon Mask özüniň soňky çykyşynda ýene Starship kosmos gämisini Ýerde ýokary tizlikli uçuşlar üçin ulanmak mümkinçiligi barada söz açdy. SpaceX-iň ýolbaşçysynyň aýtmagyna görä, Los-Anjeles we Sidneý, Los-Anjeles we Tokio ýa-da Nýu-Ýork we Singapur ýaly şäherleriň arasyndaky syýahat 30 minutdan hem az wagt alyp biler...

28.08.2025 07:19
5.4k+

Iň güýçli Gün teleskopy rekord jikme-jiklik bilen koronal arkalaryny surata aldy

Astronomlar Deniel K. Inoue Gün teleskopynyň (DKIST) kömegi bilen Gündäki alawlamanyň jikme-jik suratyny aldy. Milli Gün obserwatoriýasynyň (NSO) hünärmenleri 2024-nji ýylyň 8-nji awgustynda bütindünýä wagty boýunça 20:12-de bolup geçen X1...