Apple kompaniýasy Beats brendi bilen iPhone 16 üçin täze daşlyk hataryny çykardy. Aksessuarlar ulanyjylara stil bilen goragyň sazlaşygyny hödürleýär diýip, gagadget.com ýazýar.
Daşlygyň yzky paneli sypjyryklara çydamly örtgi bilen polikarbonatdan taýýarlanan, içki bölegi bolsa smartfony zeper ýetmelerden goramak üçin mikrofibra bilen örtülendir.
Täze Beats daşlyklary, Apple-iň aýtmagyna görä, telefony tutmagy has ykjamlaşdyrýan çeýe gapdal panelleri bilen tapawutlanýar. Apple-iň beýleki daşlyklary ýaly, täze modeller hem Camera Control funksiýasyny we MagSafe tehnologiýasyny goldaýar.
iPhone 16 üçin Beats daşlyklary dört reňkde elýeterlidir: Midnight Black, Summit Stone, Riptide Blue we Sunset Purple.
Olaryň bahasy 49 dollardan başlaýar.
