7-nji sentýabrda Luiziana ştatynyň Leýk-Çarlz şäherinde 22 gatly Hertz Tower gökdirän binasyny ýykyp aýyrdylar. Bina dolandyrylýan partlamalaryň kömegi bilen ýykyldy diýip, “Wokrug sweta” habar berýär.
Mundan 40 ýyl gowrak ozal gurlan bu bina 2020-nji ýylda sebite inen "Lora" we "Delta" atly iki sany güýçli, 4-nji derejeli tupany (iň ýokarysy 5-nji kategoriýa) netijesinde agyr zyýan çekdi.
"Lora" tupany we onuň yzyndan inen soňky "Delta" tupany Meksika aýlagynyň kenaryna uly zyýan ýetirdi, 25 adam heläk boldy we 22 milliard dollarlyk ykdysady zyýan çekildi. Şäheriň nyşany bolan Hertz Tower bu tebigy betbagtçylyklar zerarly zaýalanyp, idegsiz taşlanypdy.
Bina eýeçilik edýän kompaniýa ilki ony dikeltmegi meýilleşdiripdi, ýöne soňra ony ýykyp aýyrmagy ykdysady taýdan bähbitli hasaplady.
Ýykyp aýyrmak birnäçe sekundyň içinde tamamlandy we soňky ýyllarda sebitdäki tupanlaryň netijelerini ýatladyp duran gökdirän binanyň taryhyna iň soňky nokat goýuldy.
