IKEA kompaniýasy dünýäde iň uly pižamaly şüweleňi gurady. Oňa kompaniýanyň işgärleri – 2051 adam gatnaşdy diýip, Ginnesiň rekordlar kitabynyň resmi saýtynda habar berilýär. Hödürlenen suratlara görä, ýatmak üçin eşik toplumlary ähli gatnaşyjylarda diýen ýaly birmeňzeş bolup, balaklar we köýnekçeler logotipiň reňklerine salgylanýan esasy, gök reňkdedi.
Çäkli çykarylan pižamalar doly derejede gaýtadan işlenen plastikden taýýarlandy. Çäre kompaniýanyň esaslandyrylan, IKEA-nyň ilkinji dükanynyň, ofisiniň we dünýäde ýeke-täk IKEA myhmanhanasynyň ýerleşýän ýeri bolan Şwesiýadaky Elmhult şäherinde guraldy.
Ilkibaşda topar girişi ähli isleg bildirýänler üçin açyk etmek isledi, ýöne soň diňe öz işgärleri bilen çäklenmek kararyna geldi. Ýygnanyşyk ýerine ýumşak düşekçeler, ýassyklar, ýorgan-düşek daşlyklary getirildi. Gatnaşyjylaryň her biri özboluşly QR kody bilen hasaba alyndy. Netijede, resmi emin Glenn Pollard umumy sany tassyklady, Ginnesiň kitabynyň şahadatnamasy bolsa rekordyň goýlan güni şol ýerde kompaniýanyň wekiline berildi.
