Nokia brendine eýelik edýän HMD Global kompaniýasy täze HMD 105 4G we HMD 110 4G düwmeli telefonlaryny hödürledi. Täze önümler tomusky 2G analoglary çykandan soň, hataryň dowamy bolar diýip, Gizmochina ýazýar.
Enjamlar Cloud Phone programmasy arkaly YouTube-a, YouTube Music-e we YouTube Shorts-a girişi teklip edýär, şeýle hem howpsuz UPI amallary üçin öňünden gurlan programmany öz içine alýar.
Telefonlar 1450 mA•h akkumulýator, MP3 pleýer, simsiz FM radio we 32 Gb-a çenli SD kartlar üçin goldaw bilen üpjün edilendir. Şeýle hem, Phone Talker programmasy we 23 dil üçin goldawy bar.
HMD 105 4G modeli gara, gök we gülgüne reňklerde 25 dollardan satylýar. HMD 110 4G-iň titan we gök görnüşleriniň bahasy 28 dollar. Enjamlary bölek satuw dükanlaryndan, elektron söwda platformalaryndan we HMD-iň resmi web sahypasyndan bir ýyl kepillik bilen satyn alyp bolar.
