Porsche awtoöndürijisi syn ediş burçuna görä we dürli ýagtylyk şertlerinde reňkini üýtgedýän özboluşly boýag bilen tapawutlanýan Celestial Jade atly çäkli Taycan Turbo S seriýasyny hödürledi. Reňkiň üýtgeme effekti Ýer gabygynda basyşa we gyzma sezewar bolup, dürli öwüşginlere eýe bolýan gymmat bahaly daşlara öýkünýär diýip, IXBT ýazýar.
Boýagyň taýýarlanmagy bir ýyla golaý wagt aldy. Porsche-niň hünärmenleri aýna gatlak bilen gurşalan şöhlelenýän alýumin özeninden ybarat ownujak bölejikleri saklaýan iki sany Chromaflair boýagyny garyşdyrdylar. Netijede, dürli şertlere baglylykda kuzowyň reňki ýiti ýaşyl we sary reňkden başlap, goýy çal, gara, altyn we gök reňklere çenli üýtgeýär. Boýag elde ýerine ýetirildi, bu iş 80 sagatlyk zähmeti talap etdi.
Özboluşly boýagdan başga-da, Celestial Jade gapy bosagalarynda, kelle goýulýan ýerlerde ýörite Dragon Horse nyşanyna eýe boldy.
Awtomobil Günorta-Gündogar Aziýanyň dürli salonlarynda görkeziler, 2025-nji ýylda bolsa auksiona çykarylar.
