2026-njy ýylda Çarwadarlaryň VI bütindünýä oýunlaryny Gyrgyzystan kabul eder. Bu barada Medeniýet, maglumat, sport we ýaşlar syýasaty ministrliginiň başlygy Altynbek Maksutow habar berdi.
“Gyrgyzystanda dörän Çarwadarlaryň bütindünýä oýunlary 2026-njy ýylda öz watanyna gaýdyp gelýär” – diýip, ministr aýtdy.
Ilkibaşda awgust aýynyň başynda Çarwadarlaryň VI bütindünýä oýunlarynyň Gyrgyzystanda geçiriljekdigi habar berildi, emma şol aýyň ahyrynda oýunlaryň Özbegistanda geçiriljekdigi aýdyldy.
Gyrgyzystan Çarwadarlaryň bütindünýä oýunlaryny geçirmek başlangyjy bilen çykyş eden ýurtdur. Bu ýurtda oýunlar üç gezek geçirildi: 2014, 2016 we 2018-nji ýyllarda. 2022-nji ýylda oýunlar Türkiýede geçdi, şu ýyl bolsa ýaryşlar Gazagystanda geçirilýär (8 – 13-nji sentýabr).
