Eýran paýtagty Tährandan ýurduň günortasyna geçirmek mümkinçiligine seredýär. Prezident Masud Pezeşkianyň aýtmagyna görä, şäher suw ýetmezçiligi, howanyň hapalanmagy we topragyň çökmegi ýaly çözüp bolmajak çynlakaý meseleleri başdan geçirýär diýip, Fars habar berýär.
“Häzirki tendensiýany dowam etdirip, ýurdy ösdürmek mümkin däl. Eger biz Tährana günortadan we deňizden resurslary getirmegi, soň olary önümlere öwrüp, ýene günorta eksporta ibermegi dowam etdirmek islesek, bu biziň bäsdeşlige ukyplylygymyzy has peselder” – diýip, Pezeşkian düşündirdi.
Eýranda paýtagty göçürmek meselesi ilkinji gezek agzalmaýar. Bu mesele heniz Mahmud Ahmadinežadyň hökümetinde (2005-2013-nji ýyllar) gozgaldy. 2013-nji ýylda Yslam geňeşi syýasy we administratiw paýtagty göçürmek meýilnamasyny tassyklady.
Şeýle-de bolsa, hünärmenler paýtagty göçürmegiň däl-de, Tähranda infrastrukturany döwrebaplaşdyrmagyň we binalary berkitmegiň zerurdygyny görkezýärler diýip, Mashregh-e salgylanyp, RBK ýazýar. Şäher aşa agramyň düşmeginden zyýan çekýär: Eýranyň Şäher ykdysadyýetiniň ylmy assosiasiýasynyň maglumatlaryna görä, Tähranyň infrastrukturasy 8 million ýaşaýjynyň diňe 2,3 milliony üçin niýetlenendir.
