Apple iPhone 16 smartfonlaryny hödürledi: täze funksiýalar, täze dizaýn

  • 10.09.2024 11:44
  • 10k+

Apple kompaniýasy 9-njy sentýabrda geçirilen güýzki tanyşdyrylyş dabarasynda iPhone 16 smartfon hataryny hödürledi. Täze model birnäçe kämilleşmelere, şol sanda Apple Intelligence emeli aňyna eýe boldy. Aýratynam, smartfon kamera gönükdirilende obýektleri tanap, ses buýrugy bilen albomdaky suratlary gözläp biler.

Emeli aň Siri ses kömekçisi bilen aragatnaşygy has amatly etmek üçin ulanylýar: ondan belli bir suratlary dostlara ibermegi soramak bolar.

“Siz şeýle diýip bilersiňiz: “Şenbe günündäki barbekýudan suratlary Erika iber”, Siri suratlary tapyp, olary derrew iberer” – diýip, Apple-iň programma üpjünçiligini işläp taýýarlamak boýunça uly wise-prezidenti Kreýg Federigi belledi.

Mundan başga-da, Siri teleşou we aýdym-saz teklipleri barada ýatlatmak üçin habarlardan maglumat alyp biler.
Täze iPhone 16 ulanyjylara daş-töweregindäki zatlar barada maglumat almaga mümkinçilik berer – munuň üçin kamerany olara gönükdirmek ýeterlik. Funksiýany, mysal üçin, restoran barada seslenmeleri almak, it tohumlaryny kesgitlemek ýa-da gözel ýerler barada gyzykly faktlary bilmek üçin ulanylyp bilner.


iPhone 16 kamerany aňsat dolandyryş üçin basyş datçigi bilen Capture Button sensor düwmesini we öň diňe Pro görnüşlerde elýeterli bolan Action Button bilen üpjün edildi. Esasy modellerdäki kameralar dikligine ýerleşdirildi, bu birneme 2017-nji ýylyň iPhone X-niň dizaýnyny ýada salýar. Kamera indi Apple-iň Vision Pro garniturasy üçin 3D klipleriň giňişleýin wideo ýazgysyny goldaýar.


Şeýle-de, Apple öňki A16 Bionic bilen deňeşdirilende 30% tiz bolan we 35% az energiýa sarp edýän A18 prosessoryny hödürledi. Täze çip iPhone 16-a emeli aň funksiýalaryny netijeli dolandyrmaga we Resident Evil 7 Biohazard we Assassin’s Creed: Mirage ýaly AAA oýunlaryny işletmäge mümkinçilik berer.
Täze iPhone 16 we iPhone 16 Plus modelleri, degişlilikde, 6,1 we 6,7 dýuým OLED ekranlaryna eýe boldy.
Apple Intelligence funksiýasy oktýabr aýyndan we ilki diňe iňlis dilinde elýeterli bolar. Beýleki diller 2025-nji ýylda peýda bolar.
iPhone 16-nyň bahasy 799 dollar, iPhone 16 Plus-yň bahasy 899 dollar.


28.11.2025 11:28
1.2k+

OpenAI öz emeli aňy oturdylan enjamlarynyň ilkinji nusgalaryny döretdi

OpenAI kompaniýasy özüniň emeli aň bilen işleýän enjamlarynyň ilkinji prototiplerini taýýarlady. Bu barada kompaniýanyň baş direktory Sem Altman Apple-iň öňki baş dizaýneri Joni Aýw we Apple-iň merhum baş direktory Stiw Jobsuň aýaly Loren Pauell Jobs bilen söhbetdeşlikde mälim etdi diýip, CNBC habar berýär...

28.11.2025 11:03
2.2k+

Apple-iň döredilmegi baradaky hakyky şertnama auksionda satylar, ol $4 mln diýlip bahalandyrylýar

1976-njy ýylda Apple Computer Company kompaniýasynyň döredilmegine getiren hakyky esaslandyryjy şertnama auksiona çykarylar. Resminama 4 mln dollar töweregi mukdara satylar diýlip garaşylýar. Christie's auksion öýi ony 2026-njy ýylyň 23-nji ýanwarynda satuwa çykarar...

27.11.2025 11:04
3.5k+

Internete arzan iPhone 17e-niň häsiýetnamasy ýaýradyldy: kesiksiz, Dynamic Island-ly

2026-njy ýylyň ýazynda 17-nji hataryň iň arzan aýfony bolan iPhone 17e-niň çykmagyna garaşylýar. Pudagyň seljerijisi Jeff Pu eýýäm smartfonyň nähili boljakdygyny anyklady. Onuň sözlerine görä, täzelenme düýpli bolar...

23.11.2025 20:58
4.5k+

iPhone Air-iň baş dizaýneri Apple-den gitdi

Senagat dizaýneri Abidur Çoudhuri Apple kompaniýasyndan gitdi. Ol kompaniýanyň iň soňky modelleriniň biri bolan iPhone Air-iň esasy işläp düzüjisi bolupdy diýip, 9to5mac çeşmelerine salgylanyp habar berýär. Habar beriş serişdeleriniň maglumatlaryna görä, Çoudhuri emeli aň tehnologiýalarynyň üstünde işleýän bir startapa (ýa-da başlangyja) işe girdi...