Ýaponiýanyň Qnote IT kompaniýasy on sany pişigi işgär hökmünde “işe alyp”, stress we argynlyk bilen göreşmegiň özboluşly tejribesini girizdi. Baş müdir Nobuýuki Surutanyň aýtmagyna görä, pişikler topar ruhuny saklamaga we toparda dartgynlylygyň azalmagyna ýardam edýär diýip, South China Morning Post habar berýär.
Kompaniýada ilkinji pişik 2004-nji ýylda peýda boldy we şondan bäri olaryň sany artdy. Kompaniýanyň dört gatly binada ýerleşýän täze ofisinde ikinji we üçünji gatlar pişikler üçin ýörite hajathanalar, tekjeler we dyrnaklary ýiteltmek üçin agaç sütünleri bilen üpjün edildi.
Her pişigiň öz “wezipesi” bar: “başlykdan” başlap, “klerklere” we “auditorlara” çenli. Ofisde köçeden alnan haýwanlar hem bar.
Pişikler rahat atmosferany döretmäge kömek edip, işgärleri işde arakesme almaga höweslendirýär.
Kompaniýa pişiklere bolan söýginiň täze işgärleri çekmäge we işgärleriň işden çykmagyny azaltmaga ýardam edýändigini belleýär. Dalaşgärlere bildirilýän talaplaryň arasynda hatda pişikleri gowy görmegiň zerurdygy görkezilýär.
