ABŞ howanyň üýtgemegi netijesinde köpri infrastrukturasynda kynçylyklar bilen ýüzbe-ýüz boldy. Köprüleriň dörtden bir bölegi 1960-njy ýyldan öň guruldy we abatlaýyş işlerine mätäç, ýöne adatdan daşary yssy we ýygy-ýygydan bolýan suw joşgunlary olaryň weýran bolmagyny çaltlaşdyrýar diýip, The New York Times ýazýar.
Kolorado uniwersitetinden professor Pol Çinowski adatdan daşary howa şertleriniň köprüleriň durnuklylygyna howp salýandygyny duýdurýar. Aýowada suwuň güýjüne eýýäm demirýol köprüsi ýykyldy, Men ştatynda bolsa köpri ýanýodanyň aşak çökmegi sebäpli ýapyldy.
“Biz şeýle hadysalary şeýle tizlik bilen hiç haçan görmändik” – diýip, Çinowski aýtdy.
Ulag ministri Pit Buttijiç köp köpriniň onlarça ýyl mundan ozal taslamalaşdyrylandygyny hem gurlandygyny we täzelenmäni talap edýändigini belledi.
Plos One žurnalyndaky gözlege görä, adatdan daşary temperaturalar 2040-njy ýyla çenli köprüleri köpçülikleýin abatlaýyş işlerine, 2050-nji ýyla çenli bolsa ABŞ-da her dördünji polat köpriniň ýumrulmagyna getirip biler.
