Apple täze iPhone 16 modelleriniň anonsyndan soň 10-dan gowrak gurluşy satuwdan aýrar diýip, MacRumors ýazýar. Kompaniýa, adatça, dükan tekjelerinden köne modelleri aýyrmak bilen öz assortimentini täzeleýär.
Bazardan aýryljak ilkinji gurluşlaryň arasynda iPhone 15 Pro we 15 Pro Max bar, bu modelleriň ornuny täze iPhone 16 Pro we 16 Pro Max eýelär. Şeýle-de, iPhone 14 Plus-yň satuwy bes ediler, satuwda diňe iPhone 14 galar.
Apple kompaniýanyň resmi dükanlarynda elýeterli modellerden iň könesi bolan iPhone 13-üň önümçiligini-de bes eder. Täze iPad mini-niň hem satuwdan aýryljak altynjy nesil modeliň ornuny çalyşmagyna garaşylýar.
Könelişen diýlip hasap ediljek beýleki gurluşlaryň arasynda Apple Watch 9, Watch Ultra 2, Watch SE 2, şeýle-de AirPods 2 we AirPods 3 nauşnikleri bolar. Olaryň ornuny hem täze akylly gurluşlar we aksessuarlar eýelär.
