Xiaomi täze, elýeter bahaly Redmi 14C-i smartfonyny hödürledi, ony eýýäm 120 dollardan satyn alyp bolýar. Bu model geçen ýylky Redmi 13C-iň ornuny tutup, birnäçe kämilleşmelere eýe boldy diýip, IXBT ýazýar.
Redmi 14C-iň 1640 x 720 piksel durulygy we 120 Hz kadr tizligi bolan 6.88 dýuýmlyk displeýi bar. Maglumatlary gaýtadan işlemek üçin MediaTek Helio G81 prosessory ulanylýar. 50 MP esasy kamera we 13 MP öň kamera surata ýokary hilli düşmäge jogapkärdir.
Smartfon 18 Wt çalt zarýad bermek üçin kuwwatly 5150 mAh batareýany aldy.
Şeýle-de, Redmi 14C-de gapdal oturdylan barmak yz skaneri, USB Type-C porty, gulaklyklar üçin 3,5 mm-lik deşik, iki SIM karta üçin ýer we NFC moduly (sebite baglylykda) bar. 4G LTE-i, FM radio-ny, Bluetooth 5.4-i, Wi-Fi-y (2,4 we 5 GGs), GPS / GLONASS / Galileo / Beidou-ny goldaýar. Programma üpjünçiligine Xiaomi HyperOS esas boldy.
Redmi 14C dört reňkde elýeter: gara, benewşe, ýaşyl we ýyldyz gök. Ulanyjylar ýadyň 4/128 GB, 4/256 GB, 6/128 GB ýa-da 8/256 GB görnüşlerini saýlap bilerler.
