Xiaomi kompaniýasy ýakynda MIX Flip smartfonyny çykarandan soň, eýýäm bu hataryň indiki neslini – Xiaomi MIX Flip 2-ni taýýarlamaga girişdi.
Täze eplenýän smartfon barada maglumatlar IMEI GSMA maglumatlar bazasynda peýda boldy we bu ýerde smartfona degişli iki belgi ýüze çykaryldy: Hytaý bazary üçin “2505APX7BC” we dünýä bazary üçin “2505APX7BG”. Belgilerden ugur alsaň, MIX Flip 2 2025-nji ýylyň iýul aýynda bazara çykyp biler.
Belgilerdäki “2505” modeli 2025-nji ýylyň maý aýyny görkezýär, ýöne MIX Flip-de “2405” belgisiniň bolandygyna garamazdan, onuň 2024-nji ýylyň iýul aýynda çykandygyny göz öňünde tutsaň, täze smartfon hem iki aý giç çykyp biler. Häzirlikçe täze önümiň tehniki aýratynlyklary barada maglumat ýok, ýöne Xiaomi-niň bu gurluşyň global relizini meýilleşdirýändigi belli.
MIX Flip 2-den başga-da, kompaniýa birnäçe modeli öz içine aljak Xiaomi 15 seriýasyny taýýarlaýar hem-de “zhuque” düwmesiz smartfonyny synagdan geçirýär.
