2025-nji ýylda Xiaomi kompaniýasy özboluşly smartfon çykarar. Zhuque diýlip atlandyrylan bu gajetde fiziki düwmeler bolmaz, olaryň deregine öwrülişikli dolandyryş hödürlenýär. Ulanyjylar smartfony üm, ses arkaly ýa-da duýgur panelleriň kömegi bilen dolandyryp biler diýip, Smartprix ýazýar.
Şeýle hem enjamda görünmeýän öň kamera bolar, ol ekranyň aşagynda gizlener. Bu tehnologiýa eýýäm bar, ýöne Xiaomi ýokary hilli surata düşürjek kamerany görünmeýän edip, kämilleşdirmegi meýilleşdirýär.
Zhuque Qualcomm-yň 2024-nji ýylyň oktýabr aýynda çykarjak, 3nm tehnologiýa prosesi arkaly işlenip düzülen kuwwatly Snapdragon 8+ Gen 4 prosessori bilen üpjün ediler.
Zhuque-niň peýda bolmagyny 2019-njy ýylda çykan Mi MIX Alpha konsepsiýasynyň smartfonynyň täzeden gözden geçirilmegi hökmünde kabul etmek mümkin. Mi MIX Alpha yzky paneli tutup duran “çäksiz” ekrany, görnüp duran öň kamerasynyň bolmazlygy we düwmeleriniň ýokdugy bilen hemmeleri haýran galdyrdy. Şeýle-de bolsa, önümçilik kynçylyklary sebäpli model henizem satuwa çykmady.
