US Armor Group kompaniýasy Lucid Air Sapphire elektromobiliniň sowutlanan görnüşini hödürledi. Kompaniýanyň nygtamagyna görä, ol dünýäde iň tiz sowutlanan awtomobil diýip, CarScoops habar berýär.
Adaty Lucid Air Sapphire-iň binýadynda döredilen awtomobil ballistik polatdan hem berk bolan ýeňil kompozit sowudy görnüşinde goşmaça goraga eýe boldy. Sowut awtomobiliň agramyny bary-ýogy 175 kg artdyrdy, bu hem tizligi sagatda 320 km çenli artdyrmaga we 687 km çenli geçýän menzilini saklamaga mümkinçilik berýär.
Lucid Air Sapphire-iň kuwwaty 1234 at güýji bolup, awtoulag tizligini sagatda 100 km çenli 1,89 sekuntda artdyrýar. Ol maglumatlary goramak üçin “syzdyrmaýan Internet/Wi-Fi howpsuzlyk bukjasy” bilen hem üpjün edildi.
Goşmaça mümkinçilik hökmünde elektroşok gapy tutary, burç ballony we howpsuzlyk üçin zerur beýleki aýratynlyklar bar.
Sowutlanan Lucid Air Sapphire-iň bahasy 475 000 dollardan başlaýar. Deňeşdirmek üçin, ABŞ-da adaty Lucid Air Sapphire, takmynan, 250 müň dollara düşýär.
