Norwegiýada ýyladyşy talap etmeýän, ekologiýa taýdan arassa bina guruldy

  • 27.08.2024 19:39
  • 8.3k+

Norwegiýada Polýar togalagynyň aňyrsynda, Kautokeýno obasynda ýyladyşy talap etmeýän adaty bolmadyk bina peýda boldy, şol bir wagtyň özünde bu sebitde howanyň temperaturasy käwagt −45° C-a ýetýär diýip, New Atlas habar berýär.

Snøhetta binagärlik býurosy tarapyndan döredilen Čoarvemátta taslamasy diňe bir medeni we bilim merkezi bolman, eýsem, saamy halkynyň däp-dessurlaryna hormat goýmagyň we şol bir wagtyň özünde häzirki zaman binagärlik innowasiýalarynyň mysalydyr. Meýdany 7200 m² bolan bina agaçdan gurlup, onuň sugun şahlaryny ýada salýan eňňit üçegi bar. Onuň dizaýny däp bolan saamy sungatynyň elementlerini öz içine alýar we içki böleginde tebigy agaçlar açyk reňkler bilen sazlaşýar
Čoarvemátta – bu Beaivváš Milli Saamy teatrynyň, Saamy orta mekdebiniň we Keýikmaldarçylyk mekdebiniň mekanydyr.
Taslamanyň esasy aýratynlygy onuň ýyladyş we sowadyş ulgamy babatda doly garaşsyzlygydyr. Takmynan, 250 m çuňlukda burawlanan 40 geotermiki guýynyň kömegi bilen bina ýyladyş we sowadyş üçin energiýa bilen 90% öz-özüni üpjün edýär. Iň sowuk günlerde goşmaça elektrik gazany ulanylýar.
Gurluşyk alnyp barlan wagtynda ekologiýanyň talaplary hem göz öňünde tutulypdyr. Gurluşyk işleri passiw öýüň iň talapkär ülňülerine laýyklykda geçirildi we mekdebiň töweregini abadanlaşdyrmak ýerli tebigy ösümliklere aýawly çemeleşmek bilen geçirildi, sebäbi saamy medeniýetinde seýilgähleri ösdürip ýetişdirmek we şäherde ýaşyl zolaklary göz öňünde tutmak däbi ýok. Gurluşyk meýdançasyndan çykarylmaly bolan toprak aýawly saklanyp, ýene yzyna getirilip ýazyldy, şol sebäpli tohum ätiýaçlygyna el degrilmän galdy.


07.08.2024 16:14
6.6k+

Norwegiýada stadionyň üçeginde dünýäde iň uly dik Gün paneli enjamlaşdyryldy

Norwegiýada Ullewol futbol stadionynyň üçeginde dünýäniň dik panelli iň uly Gün elektrik stansiýasy oturdyldy. Gurluşda 200 W güýji bolan 1242 dik Gün paneli bar, bu bolsa Gün şöhleleriniň kuwwatyny ulanmaga mümkinçilik...

28.08.2025 23:44
1.8k+

SpaceX-iň köp gezeklik Falcon 9 raketasy 30-njy uçuşyny amala aşyrdy

28-nji awgustda SpaceX kompaniýasy Falcon 9 raketasyny üstünlikli uçurdy – ol Ýere golaý orbita Starlink internet aragatnaşyk ulgamynyň täze hemralaryny çykardy. Raketanyň B1067 belgili birinji köp gezeklik basgançagy uçuşdan soň Ýere gaýdyp geldi we eýýäm 30-njy gezek Atlantika ummanyndaky ýüzýän platformada asuda gondy...

28.08.2025 15:51
4.4k+

Hytaý uçýan elektrik stansiýasyny - dirižablyň we ýel turbinasynyň gibridini synamaga taýynlanýar

Hytaýyň Beijing SAWES Energy Technology Company kompaniýasy asman ýel elektrik stansiýasyny - turbinaly dirižably synagdan geçirmäge taýýarlyk görýändigini yglan etdi. Geliý bilen doldurylan howa gämisi 1500 metr belentlige çykar, ol ýerde ýeliň tizligi Ýeriň ýüzündäkä garanyňda, takmynan, üç esse ýokarydyr diýip, South China Morning Post belleýär...

28.08.2025 12:21
4.6k+

Mask Starship-de ýokary tizlikli uçuşlary wada berýär: Nýu-Ýorkdan Londona 10 minutda

Ilon Mask özüniň soňky çykyşynda ýene Starship kosmos gämisini Ýerde ýokary tizlikli uçuşlar üçin ulanmak mümkinçiligi barada söz açdy. SpaceX-iň ýolbaşçysynyň aýtmagyna görä, Los-Anjeles we Sidneý, Los-Anjeles we Tokio ýa-da Nýu-Ýork we Singapur ýaly şäherleriň arasyndaky syýahat 30 minutdan hem az wagt alyp biler...