“Dedpul we Rosomaha” kassa rekordlaryny goýmagy dowam etdirýär. Prokatyň ilkinji aýynda film eýýäm 1,21 mlrd dollardan gowrak girdeji ýygnap, bu boýunça “Demir adam 3” filminden öňe geçdi. Netijede, Marvel kinoäleminiň iň üstünlikli filmleriniň ilkinji ýediliginde orun aldy.
Hakyky supergahryman bolmak mümkinçiligine eýe bolan Dedpulyň başdangeçirmeleri barada gürrüň berýän filmiň ýiti gülküli stilistikasy we işi şowuna düşmeýän Rosomaha bilen garaşylmadyk dueti tomaşaçylaryň ünsüni özüne çekdi.
Filmden öňde “Gara Babyr” ($1,33 mlrd) we “Ar alyjylar: Altronyň döwri” ($1,39 mlrd) bar. Kassa ýygymlarynyň okgunly ösüşini göz öňünde tutsaň, filmiň bu kartinalardan hem öňe geçmegi mümkin.
