Aktýor Jeki Çan Pariždäki Paralimpiýa oýunlarynyň alaw estafetasyna gatnaşar. Bu barada guramaçylyk komitetine salgylanyp, RMC Sport habar berýär.
Çeşmäniň maglumatlaryna görä, ol çarşenbe güni Pariže geler, şol gün hem Paralimpiadanyň açylyş dabarasy bolar. Ol alawy aktýorlar Elza Zilberşteýn we Žarri, şeýle-de horeograf Benžamen Millipýe bilen bilelikde göterer.
70 ýaşly Jeki Çan estafetany ýerli wagt bilen 17:27-de kabul eder. Açylyş dabarasy 20:00-da başlar.
Paralimpiýa oýunlary Parižde 28-nji awgustdan 8-nji sentýabr aralygynda geçiriler.
Belläp geçsek, Jeki Çan 2022-nji ýylyň fewral aýynda Pekindäki Olimpiadada alaw estafetasyna gatnaşdy – ol fakeli Beýik Hytaý diwary boýunça göterip geçdi. Şonda aktýor örän üşändigini, ýöne dördünji Olimpiada gatnaşandygyna begenýändigini aýtdy.
