Gruziýanyň Batumi şäheri 2025-nji ýylda zenanlaryň arasynda küşt boýunça Dünýä kubogynyň geçiriljek ýeri hökmünde saýlandy. Ýaryş 5-nji iýuldan 29-njy iýul aralygynda geçirilip, dürli ýurtlardan 103 küştçini jemlär.
RIA Nowostiniň maglumatlaryna görä, ýaryşyň umumy baýrak gaznasy 676 müň dollardan gowrak, esasy baýrak bolsa 50 müň dollar bolar.
Dünýä kubogy nokaut ulgamy boýunça geçiriler. Oňa häzirki dünýä çempiony, 2023-nji ýylyň Dünýä kubogyndan iň gowy dört küştçi, ýetginjekleriň arasynda 2024-nji ýylyň dünýä çempiony, kontinental birinjiliklerde saýlanan 39 gatnaşyjy, 2025-nji ýylyň iýun aýyna çenli ýagdaýa görä iň ýokary reýtingli bäş küştçi, şeýle-de 2024-nji ýylyň Bütindünýä küşt olimpiadasynyň zenanlar hasabatynyň jemi boýunça kesgitlenen 50 küştçi gatnaşar. Ýene iki gatnaşyjy FIDE-niň prezidenti, ýene biri ýaryşyň guramaçylyk komiteti tarapyndan bellener.
2023-nji ýylda Dünýä kubogy Bakuwda geçirildi. Ýeňiji finalda bolgariýaly Nurgül Salimowadan üstün çykan russiýaly Aleksandra Gorýaçkina boldy. Bürünç medaly ukrainaly Anna Muzyçuk aldy.
