Gruziýanyň premýer-ministri Irakliý Kobahidze UFC-niň iň ýeňil agramda çykyş edýän çempiony Merab Dwalişwiliniň ýurduň iň ýokary döwlet sylagyna hödürlenjekdigini yglan etdi. Bu karar gruzin söweşijisiniň titul söweşinde amerikaly pälwan Şon O’Melliden üstün çykandan soň kabul edildi diýip, agenda.ge portaly ýazýar.
Kobahidze eýýäm iki ýyl bäri UFC-de gruzin türgeniniň ýeňiji bolup gelýändigini belläp geçdi, megerem, ol ýarym agram derejesinde promuoşeniň häzirki çempiony Ilýa Topuriýany we onuň Aleksandr Wolkanowskiden üstün çykmagyny göz öňünde tutan bolmaly.
Bu ýurtda sport ussatlygynyň ýokary derejä ýetendigine şaýatlyk edýär diýip, Dwalişwili belledi. Bu baýraga Mejlisiň spikeri Şalwa Papuaşwili bilen bilelikde Dwalişwilini hödürlemek kararyna gelendigini aýtdy.
Ýörite baýragyň ady tutulmasa-da, Gruziýanyň Milli Gahrymany ordeni göz öňünde tutulýan bolsa gerek. Bu baýrak raýatlara bitiren aýratyn hyzmatlary we döwletiň bähbidi üçin gahrymançylykly işleri üçin berilýär.
Merab Dwalişwili agram derejesine garamazdan, UFC-niň iň oňat söweşijileriniň täzelenen sanawyna hem girizildi. Täze reýtingde ol ýedinji orunda durýar. Reýtingiň lideri UFC-niň ýeňil agram derejesindäki çempiony Yslam Mahaçýow bolmagynda galýar.
UFC-niň top-10 reýtingi aşakdaky ýaly:
- Islam Mahaçýow, Russiýa.
- Aleks Pereýra, Braziliýa.
- Jon Jons, ABŞ.
- Iliýa Topuriýa, Gruziýa.
- Belal Muhammad, ABŞ.
- Drikus dýu Plessi, Günorta Afrika.
- Merab Dwalişwili, Gruziýa.
- Tom Aspinall, Beýik Britaniýa.
- Leon Edwards, Beýik Britaniýa.
- Aleksandr Wolkanowski, Awstraliýa.
