iFixit hünärmenleri Samsung Galaxy Ring akylly ýüzügini söküp, gurluşyň abatlaýyş işine ýaramly däldigini anykladylar. Bahasy 400 dollar bolan bu ýüzügi bejerip bolmaýar: akkumulýatory korpusa zeper ýetirmezden çalyşmak mümkin däl diýip, IXBT belleýär.
Sökme gurluşyň bölekleriniň oňa örän berk galaýylanandygyny görkezdi, olara ýetmek üçin bolsa epoksid örtügi eretmeli boldy. Ýüzügiň esasy bölekleri iki sany Arm Cortex-M33 ýadroly SoC Nordic Semiconductor nRF5340-dan, Bluetooth 5.4 we NFC modullaryndan, şeýle-de kiçijik simsiz zarýad beriş katuşkasyndan ybarat.
Ýüzügiň hyzmat ediş möhleti akkumulýatory çalyşmagyň mümkin däldigi sebäpli iki ýyl hasaplanýar. Adatça, şeýle akkumulýator doly zarýadsyzlanma çenli şonça möhlet hyzmat edýär. Hünärmenleriň pikiriçe, kompaniýa gurluşlaryň ýygy-ýygydan çalşylmagyny göz öňünde tutup, ikiýyllyk hyzmat möhletini makul hasaplaýan bolmaly.
