Nestle-niň baş müdiri Mark Şnaýder 2024-nji ýylyň sentýabr aýynda wezipesinden gider. Kompaniýanyň müdirler geňeşi onuň deregine häzirki wagtda ýerine ýetiriji wise-prezident we kompaniýanyň latynamerikan sebitiniň ýolbaşçysy bolan Loran Freýşeni belledi diýlip, konserniň metbugat gullugynda aýdylýar.
Şnaýder baş müdir wezipesini 2017-nji ýylda eýeledi we şondan bäri kofe, öý haýwanlary üçin iýmitler we sagdyn iýmitler ýaly çalt ösýän ugurlary ösdürmäge aýratyn üns berdi.
Freýşe Nestle-de 1986-njy ýyldan bäri işleýär. Ol kompaniýanyň Ýewropadaky we Amerikadaky bölümçelerinde ýolbaşçy wezipelerini eýeledi, iki ýyl ozal bolsa latynamerikan bölümçesine ýolbaşçy boldy.
Şweýsariýanyň Nestle kompaniýasy dünýäde azyk önümlerini we içgileri iň uly öndürijileriň biridir. Onuň 83 ýurtda 400-den gowrak fabrikasy we bütin dünýäde 270 000 töweregi işgäri bar.
