Portugaliýaly futbolçy Kriştianu Ronaldu YouTube-da öz kanalyny açdy we ulanyjylary çekmegiň tizligi boýunça birbada birnäçe rekord goýdy. 39 ýaşly Ronaldunyň kanalyna bary-ýogy 20 minutda ilkinji 100 müň ulanyjy ýazyldy, bu hem britaniýaly topar Sidemen-iň 55 minut bolan öňki rekordyny täzeledi diýip, OneFootball ýazýar.
Şeýle-de, Ronaldunyň kanaly 1 million ulanyjy görkezijisine ýetmegiň tizligi boýunça-da rekord eýesi boldy – munuň üçin oňa bary-ýogy 90 minut gerek boldy diýip, The Telegraph ýazýar. Günüň ahyryna çenli kanala ýazylan ulanyjylaryň sany 5,9 milliona ýetdi we bu bir günde hyzmat üçin absolýut rekord boldy.
Deňeşdirmek üçin, Lionel Messiniň 2006-njy ýylda açylan kanalyna 2,2 million ulanyjy ýazylan. Ronaldu bu görkezijiden kanal açylandan soň bary-ýogy iki sagadyň dowamynda öňe geçdi.
