ABŞ-nyň Ulag ministrligi ýollarda howpsuzlygy ýokarlandyrmak üçin Vehicle-to-Everything (V2X) tehnologiýasyny durmuşa geçirmegiň meýilnamasyny yglan etdi. Engadget.com portalynyň habar bermegine görä, bu tehnologiýa awtoulaglara ýerleşýän ýeri, tizlik we ýoluň ýagdaýy barada maglumat alyşmaga mümkinçilik berer, bu heläkçiliklerden gaça durmaga we olaryň agyrlygyny azaltmaga kömek eder.
2036-njy ýyla çenli ABŞ-nyň milli gara ýollar ulgamynyň ähli ýollarynda V2X ulgamyny ornaşdyrylmak meýilleşdirilýär. Şeýle hem Ministrlik 2028-nji ýyla çenli milli gara ýollar ulgamynyň 20% -ini we uly şäherlerdäki çatryklaryň 25% -ini V2X bilen enjamlaşdyrmagy meýilleşdirýär.
Ulag ministri Pit Buttijiç: "Ministrlik ömrümizi halas etmäge we hereket ediş usulymyzy üýtgetmäge mümkinçiligi bolan bu tehnologiýany ornaşdyrmakda aýgytly sepgide ýetdi" -diýdi.
Meýilnamany ýerine ýetirmek işi Federal aragatnaşyk komissiýasy, awtoulag öndürijileri, ýük daşaýyşlaryň operatorlary we programmalary işläp düzüjiler ýaly, köp sanly gatnaşyjylaryň tagallalarynyň özara utgaşdyrylmagyny talap eder.
Kiberhowpsuzlyk we maliýeleşdirmek ýaly, bolup biläýjek kynçylyklara garamazdan, V2X-iň durmuşa ornaşdyrylmagy müňlerçe adamyň ömrüni halas edip biler.
