Alymlar senagat robotlary üçin adam biperwaýlygyny (seresapsyzlygyny) göz öňünde tutmaga we önümçiligiň howpsuzlygyny ýokarlandyrmaga mümkinçilik berjek täze algoritm işläp düzdüler diýip, TechXplore habar berýär.
Algoritm duýduryşlara üns bermezlik ýygylygy ýaly faktorlary göz öňünde tutup, adamyň ünssüzligine mukdar taýdan baha bermäge esaslanýar.
Robot bu algoritmi ulanyp, adamyň özüni alyp barşyna syn edýär we çaknyşyklardan ýa-da ýalňyşlyklardan gaça durmak üçin hereketlerini uýgunlaşdyrýar.
Robotlaryň we adamlaryň önümçilikde bilelikde işleýän kompýuter simulýasiýalarynda, algoritmiň howpsuzlygy 80%, öndürijiligi bolsa 38% ýokarlandy. Indi gözlegçiler bu algoritmi hakyky robotlarda we adamlarda ulanyp, synagdan geçirmegi meýilleşdirýärler.
