Hytaýyň Unitree Robotics kompaniýasy köpçülikleýin önümçilige taýýar bolan G1 gumanoid robot modelini hödürledi. Onuň bahasy $16 000 diýip, New Atlas habar berýär.
Täze wideoda robot bökmek, tans etmek, ylgamak, päsgelçilikleri geçmek we işläp düzüjileriň hüjümlerine üstünlikli garşy durmak ýaly dürli başarnyklary görkezýär.
G1 roboty Unitree-niň ilkinji iki aýakly robotynyň kämilleşdirilen görnüşidir. Modeliň daşky görnüşi we öndürijiligi tapgyrlaýyn önümçiligiň talaplaryna laýyk gelmegi üçin doly işlenildi.
Robot 3D lidar, çuňluk kamerasy, galmagaly basyş mikrofony we stereodinamik bilen üpjün edildi. Ol hereket erkinliginiň 23 derejesine eýe bolup, agramy 35 kg we 2 m/s çenli tizlik bilen hereket edip bilýär. Batareýa 2 sagada çenli işlemegi üpjün edýär.
Tapgyrlaýyn önümçilige taýýardygyna garamazdan, onuň işe giriziljekdigine resmi tassyklama heniz ýok.
