Samsung öz smartfonlarynyň geljekki nesillerinde Galaxy Note hataryny yzyna gaýtarmak mümkinçiligini göz öňünde tutýar.
Insaýder Ýogeş Brar geljek ýyl Galaxy S25 Ultra modeliniň Galaxy S25 Note, S25+-yň bolsa S25 Pro diýlip atlandyrylyp bilinjekdigini habar berýär. Bu ädim S25 ýa-da S26 hatarynda amala aşyrylyp bilner diýip, IXBT ýazýar.
Öň, kompaniýa Note brendinden ýüz öwrüp, ony Galaxy S Ultra bilen çalşypdy. Köne ada gaýdyp gelmegiň sebäpleri görkezilmeýär. Ýöne Pro adynyň ulanyjylar tarapyndan Plus-a garanda has gowy kabul ediljekdigi çaklanylýar.
Öň, Ýogeş Brar resmi anonslaryndan öň Redmi A1 we Pixel 7 hem Pixel 7 Pro smartfonlarynyň parametrlerini öz içine alýan birnäçe ygtybarly maglumatlary hödürledi, şeýle-de Snapdragon 4 Gen 1 bilen enjamlaşdyrylan dünýäde ilkinji telefon iQOO Z6 Lite 5G-ni “janly” görkezdi.
