NASA Boeing Starliner gämisini Ýere dolap getirmek bilen bagly täze meseleler bilen ýüzbe-ýüz bolýar diýip, Business Insider neşiri habar berýär.
Starliner gämisiniň hereketlendirijilerindäki näsazlyk bilermenleri alada goýýar. Olar gämi Halkara kosmos stansiýasyndan aýrylandan soň dolandyryşdan çykyp, stansiýa baryp çaknyşmagyndan howatyrlanýarlar.
Ars Technica-den anonim çeşmeler bu barada habar berdiler. NASA-nyň wekili bu hili hadysanyň bolup bilmek mümkinçiligini inkär edip oturmady, ýöne jikme-jiklikleri hem aýan etmedi diýip, Business Insider ýazýar.
Ýatlatsak, 5-nji iýunda Halkara kosmos stansiýasyna uçurylan Starliner gämisi hereketlendirijilerinde syzdyrma ýüze çykanlygy sebäpli kosmosda galdy. Ilkibaşda, kosmonawtlaryň missiýasy 8 güne meýilleşdirilipdi, emma häzir olar kosmosda näbelli möhlete çenli galmaly bolýarlar. NASA astronawtlary howpsuz dolap getirmek barada çözgüt kabul edenden soň, agentligiň indiki kosmos uçuşlaryny Boeing-e ynanyp-ynanmazlygy barada mesele örboýuna galar.
