Ýaponiýada binalarda öýjükli aragatnaşygy gowulandyrýan, penjiräniň aýnasyna gurlan dünýäde ilkinji 5G antennasy görkezildi. Enjam JTower tarapyndan aýna öndüriji AGC Inc. bilen bilelikde işlenip düzüldi.
Täze önümiň ilkinji synagy Tokiodaky Shinjuku 3-chome East Building ofis merkezinde geçirilýär, bu ýerde NTT Docomo operatory ähli gatlara 5G penjiräni oturtdy. Işläp düzüjiler şeýle antennalaryň içerde durnukly interneti üpjün edip, adaty öýjükli diňler ýaly, şäheriň binagärlik keşbine zeper ýetirmezden, estetiki taýdan gelşikli görünýändigini tassyklaýarlar.
5G penjireler 6 GGs ýygylykda işleýär we esasanam, aragatnaşygyň köplenç kesilýän daglyk ýerlerinde peýdaly bolan 5G Sub6 diapazonyny goldaýar. Üstünlikli synagdan soň, JTower bu antennalary Ýaponiýanyň beýleki binalaryna-da gurmagy meýilleşdirýär.
Geljekde 5G penjire antennalary öýjükli esasy stansiýalary ornuny tutup, ýokary hilli ykjam aragatnaşyk üpjün etmek üçin täze enjam standartyna öwrüler.
