“Liwerpulyň” we Dortmundyň “Borussiýasynyň” öňki baş tälimçisi Ýurgen Klopp tälimçilik işine ýene gaýdyp geler. Öň, ol tälimçi hökmünde karýerasyny tamamlandygyny aýdypdy, ýöne indi Dortmundyň klubunyň öňki meşhur oýunçylary Lukaş Pişek bilen Ýakub Blaşikowskiniň hoşlaşyk oýny üçin bir günlük bu wezipäni ýerine ýetirmek kararyna geldi.
“Adatdakysy ýaly ederin – oýun barada onuň başlamagyna 5 minut galanda pikir edip başlaryn” – diýip, 57 ýaşly tälimçi “Borussiýa” tarapyndan ýerleşdirilen wideoda degişdi.
Klubuň metbugat gullugynyň habar berşi ýaly, Pişek bilen Blaşikowskiniň toparlarynyň arasyndaky oýun 7-nji sentýabrda “Signal Iduna Park” stadionynda geçiriler. Klopp toparlaryň birine tälimçilik eder.
Klopp şu tomus “Liwerpulda” işini tamamlady, ol bu topara 2015-nji ýyldan bäri tälim berdi. Ondan öň, 2008 – 2015-nji ýyllarda “Borussiýa” ýolbaşçylyk etdi, bu döwürde klubda Pişek bilen Blaşikowski hem çykyş etdi.
