Britaniýaly aýdymçy Ed Şiran “Ipswiç Taun” futbol klubunyň paýdary boldy. Bu barada klubuň resmi saýtynda habar berilýär.
Aýdymçy paýnamalaryň 1,4%-ini satyn aldy, bu hem oňa Angliýanyň Premýer-ligasynyň (APL) täze möwsüminde toparyň öý oýunlarynda ýolbaşçylar üçin aýratyn orunlarda oturmaga hukuk berýär. Muňa garamazdan, ol klubuň müdirler geňeşine goşulmaz.
“Gremmi” baýragynyň dört gezek eýesi Ed Şiran “Ipswiçiň” öňden bäri muşdagydyr. Ol üç ýaşyndan bäri klubuň ýerleşýän Saffolk graflygynda ýaşaýar. 2021-nji ýyldan bäri aýdymçy toparyň hemaýatkäri hökmünde çykyş edip, ony işjeň goldaýar.
“Ipswiç Taunyň” 1962-nji ýylda Angliýanyň çempionlygyny, 1978-nji ýylda ýurduň Kubogynyň gazanylmagyny we 1981-nji ýylda UEFA-nyň Kubogyndaky ýeňşi öz içine alýan baý taryhy bar. Geçen möwsümde topar Çempionşipde ikinji orny eýeledi we APL-e göni ýollama alyp, 22 ýyldan soň elita diwizionyna gaýdyp geldi.
