Apple ünsüni hususy awtomobilini işläp taýýarlamakdan stol robotyny döretmäge gönükdirdi. Bu taslamanyň üstünde eýýäm ýüzlerçe hünärmenlerden ybarat topar işleýär diýip, IXBT habar berýär.
Robot iPad-y ýada salýan planşet berkidilen manipulýator bilen üpjün edilen gurluşdyr.
Gurluş planşeti egip, ýokary galdyryp, aşak düşürip we 360 gradus aýlap bilýär. Bu önümiň köp funksionally bolup, stol planşeti, akylly öýi dolandyrmak üçin gurluş we wideo jaňlary üçin gural hökmünde hyzmat etmegine garaşylýar. Esasy funksiýalaryň biri ulanyjyny yzarlamak ýa-da onuň buýrugyna seslenmek bilen, planşeti giňişlikde bir ýerden başga ýere geçirmek mümkinçiligi bolar.
Robotyň 2026-njy ýa-da 2027-nji ýylda bazara çykmagyna garaşylýar. Täze önümiň çen bilen bahasy 1000 dollar töweregi bolar. Ýöne bahanyň ýokarydygyny göz öňünde tutup, Apple sarp edijileri önümi satyn almaga ynandyrmak üçin goşmaça ulanylyş ssenariýalaryny işläp taýýarlamaly bolar.
