Dünýäniň iň uly kofe öndürijileriniň biri bolan Braziliýada howanyň sowamagy sebäpli, Nýu-Ýork söwdasynda arabika kofesiniň bahasy birden ýokarlanyp, iýul aýynyň başyndan bäri iň ýokary derejä ýetdi. Bu barada Bloomberg agentligine salgylanyp, TASS habar berýär.
Biržada “sähel çigregiň” hem kofe üpjünçiligi bilen bagly howsalalary ýüze çykarmagy sebäpli, arabika üçin fýuçersler 7% gymmatlady diýip, Bloomberg ýazýar.
Geçen dynç günleri Braziliýanyň kofe plantasiýalarynyň sebitlerinde eýýäm sähel çigrek hasaba alyndy. Howa şertleri ýakyn günlerde hasam ýaramazlaşyp biler. Pes temperaturalaryň Minas-Žerais we San-Paulu ştatlarynda hem bolmagyna garaşylýar. Bu netijede kofe hasylyna zyýan ýetirip biler.
