ABŞ-ly geýmer World of Warcraft oýnuny oýnamagyň dowamlylygy boýunça rekord goýdy. Bu barada UPI neşiri ýazýar.
Nýu-Jersiniň ýaşaýjysy, Deňiz pyýada goşunynyň weterany Jastin O’Donnell bu oýny 78 sagat oýnady. Ol bu wagtyň dowamynda asla ýatman, diňe kompýuteriň öňünde oturdy. Geýmere her bir sagatda bäş minutlyk arakesme berildi. Ol bu wagty iýip-içmek hem-de itine ideg etmek üçin sarp etdi.
Jastin asyl hem ukusyzlykdan ejir çekýändigini, şonuň üçin rekord goýmagyň kyn düşmändigini belledi. Şeýle-de bolsa, ol ýadandygyny boýun aldy.
“Bu ruhy ýadawlyk däl-de, fiziki ýadawlyk. Mende birnäçe günläp ukusyny almadyk adamlaryňky ýaly mesele ýok. Ysgynsyzlyk duýamok, eşidişimde kem ýok. Iň bolmanda bir gün ýatmadyk käbir adamlar serhoş ýaly düşnüksiz gürläp başlaýarlar” – diýip, geýmer aýtdy.
