12-nji awgustda dünýäniň iň uly aýsbergi bolan A23a bir ýyldan soň ýene hereketini bes etdi. Bu barada TASS Arktika we Antarktida ylmy-barlag institutyna (AARI) salgylanyp habar berýär.
1986-njy ýylda Antarktikadaky buzlukdan bölünip aýrylan aýsbergiň meýdany 4366 km² (Sankt-Peterburgyň meýdanyndan 3 esse uly).
Uedella deňzinde (Günbatar Antarktidanyň kenarlaryndaky deňiz) 30 ýyl saýda galan aýsberg geçen ýazda birden Skotiýa (Skoşa) deňzine tarap ýüzüp başlady. Onuň ikinji gezek saklanmagyna umman girdaby sebäp boldy.
Aýsberg haýal aýlanýar. Hünärmenler Antarktika aýlaw akymynyň (ACC) aýsbergiň suwasty bölegine täsir edýändigini, bu bolsa onuň ýumrulmagyna sebäp bolup biljekdigini nygtaýarlar. Ýöne aýsbergiň ululygyna görä, ýumrulmak prosessi köp wagt alyp biler.
