Tehasda (ABŞ) 3D printeriň kömegi bilen döredilen dünýäde iň uly ýaşaýyş toplumynyň gurluşyk işleri tamamlandy diýip, Reýter agentligi habar berýär.
Jorjtaunyň golaýyndaky Wolf Ranch şäherçesinde 100 sany jaý çap edildi. Olaryň gurluşygy 2022-nji ýylyň noýabrynda başlandy. Gurluşykda boýy 3,3 metrlik diwarlary çap etmäge ukyply Vulcan 3D printeri peýdalandy.
3D çap ediş usuly jaýlary tiz wagtda we has arzan gurmaga mümkinçilik berýär. Munda şeýle hem galyndylaryň mukdaryny hem azaltmak mümkin. Printere beton poroşogynyň garyndysy, suw, çäge we beýleki goşundylar goşulýar. Olar enjama ýüklenenden soň, ýörite enjam taýýar ergini, edil diş pastasy ýaly, çotganyň üstüne gysyp çykarýar we öňden programmalaşdyrylan traektoriýa boýunça gat-gat edip çalyp başlaýar. Netijede "welwet täsirli" diwar emele gelýär.
Üç ýa-da dört sany ýatalga otagy bolan bir sany öýi çap etmeklik üç hepde töweregi wagt alýar. Şol bir wagtda, printerde çap edilen öýler, adatdan daşary howa şertlerine durnukly bolsalar hem, Wi-Fi signallaryny geçirmekde mesele döredýärler. Munuň üçin öý eýelerine ýörite enjam ulanmaly bolýarlar.
Wolf Ranch şäherçesinde jaýlaryň bahasy 450 müň dollardan 600 müň dollar aralygynda bahalandyrylýar. Bu günki gün jaýlaryň, gurlan desgalaryň dörtden biri satyldy. Tehnologiýany işläp düzen ICON kompaniýasy ony NASA-nyň Artemis maksatnamasynyň çäklerinde Aýda hem ulanmagy meýilleşdirýär.
