Madridiň "Atletikosy" "Mançester Sitiniň" hüjümçisi Hulian Alwaresiň resmi taýdan topara geçendigini tassyklady. 24 ýaşly argentinaly futbolçy "madridli" klub bilen 2030-njy ýyla çenli 6 ýyl möhletli şertnama baglanyşdy.
"Atletiko" Alwaresiň transferi üçin 75 million ýewro töledi (ýene 20 million ýewro bonuslar bilen). Bu "Mançester Sitiniň" taryhynda rekord satyşdyr. Ondan öň, Rahim Sterling 56,2 mln ýewro "Çelsä" geçipdi.
Alwares "Mançester Sitä" 2022-nji ýylyň ýanwar aýynda Argentinanyň "Riwer Pleýt" klubundan 21,4 million ýewro geçipdi. Iki ýarym ýylyň içinde ol 103 oýunda 36 gol geçirdi we 18 gezek gol pasyny geçirdi. "Sitiniň" düzüminde ol iki gezek Angliýanyň çempiony, Çempionlar ligasynyň we Klublaýyn Dünýä çempionatynyň ýeňijisi boldy.
Hulian Alwares şeýle hem 2022-nji ýylda dünýä çempiony boldy we 2021-nji ýylda Argentinanyň düzüminde Amerikanyň Kubogyny aldy. Onuň hasabynda milli ýygyndyda 36 oýunda 9 gol bar.
