Gruziýaly ştangaçy Laşa Talahadze super agyr agramda (109 kg-den ýokary) taryhda ilkinji bolup üç gezek Olimpiýa çempiony boldy. Pariždäki Oýunlarda ol yzygider üçünji gezek ýeňiji boldy we Olimpiadanyň iň güýçli türgeni diýlip ykrar edildi – agyr atletikaçylaryň – super agyr agramly söweşijileriň arasynda çempion hemişe şeýle atlandyrylýar.
Talahadze 2015-nji ýyldan, diskwalifikasiýadan soň sporta gaýdyp geleni bäri hiç kimden ýeňlenok. Türgen yzygider ýedi dünýä çempionatynda ýeňiji boldy, Rio-de-Žaneýrodaky we Tokiodaky Olimpiadalarda ýeňiş gazandy, ol hatda Ýaponiýada silterläp götermekde (223 kg), itekläp götermekde (265 kg) we jemi boýunça (488 kg) dünýä rekordlaryny goýdy.
Parižde 30 ýaşly Talahadze birneme pes, 470 kg netijäni (silterläp götermekde 215 kg + itekläp götermekde 255 kg) görkezdi. Ýöne bu ýeňiş üçin ýeterlik boldy.
Ikinji orny ermenistanly Warazdat Lalaýan (467; 215+252), üçünji orny Bahreýniň wekili Gor Minasýan (461; 216+245) eýeledi.
