Consumer Intelligence Research Partners (CIRP) analitik kompaniýasynyň maglumatlaryna görä, 2024-nji ýylyň ikinji çärýeginde flagman iPad Pro Apple-iň iň köp satylan planşeti boldy. Gurluş has arzan modellerden hem meşhur boldy.
Ikinji çärýegiň jemi boýunça, Apple hatarynda iň gymmat planşet umumy iPad satuwynyň 43%-ini emele getirdi. Ikinji orunda esasy iPad ýerleşdi (35%), onuň yzyndan iPad Air (12%) we iPad mini (10%) gelýär.
iPad Pro-nyň paýy geçen ýylyň degişli döwri bilen deňeşdirilende 5% ýokarlandy, esasy iPad-yň satuwy bolsa öňki derejesinde galdy. iPad Air bilen iPad mini-niň paýlary, degişlilikde, 3% we 2% azaldy. Esasy iPad 2023-nji ýylyň iýun aýynda we 2024-nji ýylyň iýun aýynda-da umumy iPad satuwynyň üçden bir bölegini emele getirdi.
