2024-nji ýylda ýaşaýyş üçin iň gymmat şäherleriň reýtinginde Ženewa birinji orny eýeledi. Numbeo platformasy tarapyndan hödürlenen ýaşaýyş bahasynyň täzelenen indeksinde bu şäher 101,7 bal gazanyp, dünýäniň beýleki şäherlerinden öňe geçdi.
Reýtingiň esaslanýan ýaşaýyş bahasynyň indeksi azyk önümleri, ulag we jemagat hyzmatlary ýaly esasy sarp ediş harytlarynyň we hyzmatlarynyň bahalaryny göz öňünde tutýar, ýöne ýaşaýyş jaý çykdajylaryny öz içine almaýar. Sanawa 218 şäher girdi. Reýting ýylda iki gezek täzelenýär.
Täze sanawda ikinji orny 100,4 bal bilen Şweýsariýada ýerleşen ýene bir şäher Sýurih eýeledi. Üçünji orunda Nýu-Ýork ýerleşdi, onuň yzyndan San-Fransisko we Boston gelýär. Ilkinji onluga Waşington, Sietl, Los-Anjeles, Çikago ýaly amerikan şäherleri-de girdi. Onlukda Reýkýawik hem bar.
Beýleki bir tarapdan, iň arzan şäherler Pakistanda we Hindistanda ýerleşen Karaçi, Lahor we Kalkutta boldy, olar 19 – 21 bal gazandylar.
