BMW starteriň gyzmagy bilen bagly ýüze çykyp biljek meseleler sebäpli ABŞ-da 105 558 awtomobili yzyna gaýtarmakçydygyny mälim etdi. Bu barada ABŞ-nyň Milli ýol hereketiniň howpsuzlygy administrasiýasynyň (NHTSA) maglumatlaryna salgylanyp, Reuters habar berýär.
Yzyna gaýtarma birnäçe modele, şol sanda X5, X7, 3 we 7 seriýaly sedanlara hem krossowerlere täsir eder.
Kompaniýa mümkin bolan näsazlyklaryň öňüni almak üçin programma üpjünçiligini täzelemegi meýilleşdirýär.
Belläp geçsek, NHTSA iýul aýynda howpsuzlyk ýassyklary bilen baglanyşykly meseleler sebäpli 394 000-den gowrak BMW awtomobiliniň yzyna gaýtarylýandygyny görkezýän hasabaty çap etdi.
BMW-niň 2023-nji ýyl we 2024-nji ýylyň başy üçin maliýe hasabatlarynda girdejiniň ep-esli azalandygy bellenilýär. 2023-nji ýylda kompaniýanyň arassa girdeji 35% azalyp, 12,165 mlrd ýewro boldy, ýöne dördünji çärýekde 16,8% ösüş hasaba alyndy. 2024-nji ýylyň birinji çärýeginde hem girdeji geçen ýylyň degişli döwri bilen deňeşdirilende 19%, 2,95 mlrd ýewro çenli azaldy.
